Merr të tjera përmasa skandali i inceneratorëve. Ditën e sotme në dyert e SPAK-ut është paraqitur, Merita Hajdari, e cila thotë se prej vitesh mbledh kanaçe për të siguruar jetesën por pas falsifikimit të firmës, ajo rezulton pronare e një firme fiktive e përdorur për skemën e inceneratorëve. Denoncimin e bëri pak ditë më parë Monika Kryemadhi duke zbuluar skandalin.
Ajo është paraqitur në dyert e SPAK bashkë me djemtë e saj pasi ka dëgjuar që emri i saj të lakohet në media. Hajdari u shpreh se nuk ka asnjë dijeni për këtë që i është bërë dhe se për këtë arsye u drejtua për në SPAK. Brenda skemës janë futur azilantë, çobanë, por edhe të vdekur.
