Kryetari i Dhomës së Avokatisë, Maks Haxhia replikoi me nota të forta, por edhe ironie me deputeten e PS-së, Ermonela Felaj për hartën e re gjyqësore.
“Avokatët kanë marrë flamurin, kjo është një sjelle pa princip. E dyta janë të zgjedhurit e tyre në KLGJ apo KLP. A mund ta dimë qëndrimin e tyre?” pyeti Felaj.
Haxhia reagoi duke i thënë se nuk i jep llogari askujt për bojkotin. “Ne nuk kemi ardhur këtu të japim llogari për bojkotin, këtë ta keni të qartë”.
Anëtarët nga radhët e avokatisë në KLGJ? “Ata nuk përfaqësojnë dhomën” tha Haxhia.
Më tej kryetarja e KLGJ-së sqaroi se “nga dy anëtarët avokatë që ka KLGJ vetëm njëri ishte kundër. Harta u miratua me 10 vota pro dhe një kundër”.
“Unë jam inferior përballë jush, sepse ju jeni tempull i lartë” tha me ironi Maks Haxhia.
”Avokatët nuk përfaqësojnë qytetarët, por klientët” i tha, Manja, Haxhisë.
