Ministrja e Shtetit për Marrëdhëniet me Parlamentin, Elisa Spiropali i tha sot Sali Berishës se armiku i tij është drejtësia përpara se cilës duhet të japë llogari.
“Paska harmoni sot mes jush. Do të shtoheni edhe me Ilirin, që ishte aty por mendjen e kishte në Kryeministri. Ta gëzoni edhe Ilirin dhe u bëfshi bashkë, se sa më shumë të bëheni aq më pak vota do të merrni.
Armiku i tij që ka folur ka qenë drejtësia dhe aleati ka qenë pandëshkueshmëria. Ne nuk ju shohim si armiq. Por ju mund të funksiononi vetëm si armiq, sepse vetëm atë ju ka futur në mendjen ai komunisti i fundit në Shqipëri” i tha ajo.
Por teksa po fliste, Spiropalit i iku zëri në një moment duke shkaktuar të qeshura në sallë. “Të zë mallkimi i tij. Mua zëri më vjen përsëri, por shiko Lulin se i iku përgjithmonë”, i tha Spiropali, Gazment Bardhit.
