Presidentja e Komisionit Europian, Ursula Von Der Leyen ndodhet në Shkup. Ajo i bëri thirrje sot Kuvendit që të miratojë propozimin francez për hapjen e negociatave.
Gjatë fjalimit të saj ka pasur kontestime nga ana e deputetëve të opozitës me fërshëllima. Në drejtim të saj janë hedhur edhe pankarta.
“Të falenderoj për këtë sjellje demokratike”, u shpreh Presidentja e KE, si përgjigje duke buzëqeshur. Por i siguroi se “gjuha maqedonase është gjuha juaj dhe nuk do të preket në këtë proces”.
Kuvendi i Maqedonisë së Veriut është mbledhur këtë të enjte për propozimin francez për zgjidhjen e mosmarrëveshjeve me Bullgarinë, një proces që do t’i hapte rrugën nisjes së bisedimeve për anëtarësim në BE.
