Një takim i nivelit të lartë mes Kosovës dhe Serbisë ishte parashikuar të ndodhte këtë javë.
Kryeministri Albin Kurti tha se takimi me presidentin e Serbisë Aleksandar Vuçiç në Bruksel nuk ndodhi për shkak të palës serbe.
“Ka pas të ndodhë këtë javë një takim mes Kosovës dhe Serbisë, i nivelit të lartë, sërish janë ata që kërkuan të shtyhet kjo gjë.
Ata po e shtyjnë takimin e radhës në Bruksel, janë ata që nuk po i përgjigjen pozitivisht zhvillimit të bisedimeve atje.
Çfarëdo pretekstesh që përdoren nga Serbia, nuk janë të vërteta dhe janë përpjekje për t’u shfajësuar”, tha Kurti.
