Betimi dhe dorëzimi i detyrës nga Ilir Meta është pasuar me një trokitje gotash nga Presidenti i ri Bajram Begaj me mbi 400 të ftuarit që ishin të pranishëm në ambientet e selisë së kreut të shtetit.
Mes të ftuarve ishte Presidentja e Kosovës, Vjosa Osmani, por edhe ambasadorë të disa vendeve në Tiranë dhe shumë personalitete.
Begaj përshëndetet dhe merr urimet nga figura të shumta të politikës nga të gjithë krahët politikë. Në ceremoninë e betimit në Kuvend mungoi vetëm grupi i Sali Berishës.
