Mediat polake shkruajnë se Andrzje Izdebski, 71-vjeç, i njohur si tregtar armësh dhe aparatesh respiratorë gjatë kohës së pandemisë COVID-19 është ndarë nga jeta në Tiranë në rrethana “misterioze”.
Lajmin e konfirmojnë zyrtarisht përmes INTERPOL-it. “Faktin e vdekjes e konfirmuam përmes kanaleve tona, direkt në Shqipëri dhe përmes Europolit”, tha një oficer i Shtabit të Policisë në Poloni.
Ai ishte në kërkim nga drejtësia polake pasi në valën e COVID-19 premtoi se do të garantonte respiratorë për të përballuar pandeminë, por mori një shumë të konsiderueshme dhe u zhduk.
Në Shqipëri Andrzje Izdebski kishte pasur disa kontrata bashkëpunimi me shqiptarë për tregti armësh në disa vende.
Ai ishte ortak në disa kompani me gruan e ish-kreut të SHISH, Ylli Zyla.
