Mesatarisht, njeriu kalon të paktën 20 vjet të jetës së tij duke fjetur, sigurisht me kusht që të flejë mjaftueshëm orë, gjë që është e rrallë në ditët e sotme.
Më konkretisht, një në tre ballafaqohet me një lloj çrregullimi të gjumit në një moment të jetës së tij, sipas një raporti nga Shoqata Amerikane e Gjumit. Raporti tregon gjithashtu se gjumi i dobët mund të ketë efekte serioze afatgjata shëndetësore: ndër të tjera, mungesa e gjumit shoqërohet me hipertension, sëmundje kardiovaskulare dhe probleme me funksionet mendore.
Në të njëjtën kohë, megjithatë, ekziston një “fajtor” i fshehur që saboton gjumin tonë: punët tona. “Ajo që bëni gjatë ditës dhe në punë mund të ndikojë në atë se sa mirë flini natën dhe si ndiheni kur zgjoheni të nesërmen në mëngjes”, thekson Dr. Rachel Salas, nga Qendra Amerikane e Gjumit John Hopkins. Gjithashtu, gjumi i dobët mund të ndikojë në performancën tuaj të punës, vëren një tjetër ekspert.
Për të shmangur pasojat negative të gjumit të dobët, mund të ndiqni tre këshillat e mëposhtme:
- Kafeina pasdite
Kafeja dhe çaji në pasdite mund t’ju japin shtytjen që ju nevojitet për të përballuar disa detyra të fundit të ditës, por ka të ngjarë që do ta paguani më vonë. Më së miri do të ishte ta shmangni.
- Jashtë orarit
Ndonjëherë jashtë orarit është e pashmangshme, por do të thotë gjithashtu se do të keni më pak kohë për aktivitete që ju ndihmojnë të flini, ose që do të detyroheni t’i bëni ato vonë natën. Për të fjetur më mirë, edhe pse keni punuar vonë, mund të kurseni pak kohë për ushtrime fizike të nesërmen dhe të bëni një pushim vakti të paktën dy orë para se të shkoni në shtrat.
- Gjumi i fundjavës
“Çelësi” për një gjumë të mirë të natës nuk është sa flini, por respektimi i orarit të gjumit. Për shembull, siç thekson Salas në CNBC, nëse prireni të mos flini mirë gjatë javës dhe thjesht përpiqeni ta kompensoni atë në fundjavë, atëherë gjumi juaj nuk do të jetë kurrë mjaft i duhur.REKLAMA
“Gjumi është një nevojë themelore njerëzore dhe shumë janë në rrezik nëse nuk flemë mjaftueshëm: funksionet tona mendore, kujtesa, sistemi ynë tretës. Nuk mund të mendoj për një gjë që gjumi nuk ndikon”, thekson Salas.
