Policia e Kosovës, të hënën e 25 korrikut në fshatin Jashanicë të Komunës së Leposaviçit, kishte ndaluar një automjet me targa ruse në të cilin gjendeshin dy persona meshkuj me shtetësi franceze, të cilët pas kontrolleve janë arrestuar me dyshimin se të njëjtit kanë kaluar kufirin në mënyrë ilegale.
E ndërsa sot dega e Gjykatës Themelore të Mitrovicës në Leposaviq ka caktuar masën e paraburgimit me një kohë prej një muaj për dy këta shtetas francezë.
Në njoftimin e policisë shkruhej se të dyshuarit, duke përdorur rrugët ilegale, kane hyrë në Kosovë, me ç’rast të njëjtit kanë kryer veprën penale “Kalimi i paautorizuar i vendkalimeve kufitare ose i vijës kufitare”.
