Gruaja më e pasur në Azi ka humbur më shumë se gjysmën e pasurisë së saj vitin e kaluar, pasi kriza që ka pllakosur tregun e pronave në Kinë vazhdon të përkeqësohet.
Yang Huiyan, aksionerja kryesore në Country Garden, kompania më e madhe e pasurive të paluajtshme në Kinë ka parë rënien e pasurisë së saj me pothuajse më shumë se 52% në vetëm disa muaj.
Më konkretisht, pasuria e Yang Huiyan ra në 11.3 miliardë dollarë nga 23.7 miliardë dollar që ishte një vit më parë.
Pasuria e Yang u godit rëndë të mërkurën e kaluar kur aksionet në Country Garden të listuar në Hong Kong ranë 15% pasi kompania tha se do të shiste aksione të reja për të mbledhur para.
Kjo është prova që asnjë kompani nuk është e sigurt nga kriza e zgjatur e pasurive të paluajtshme në Kinë.
Yang e fitoi pasurinë e saj kur babai i saj, themeluesi i Country Garden, Yang Guoqiang, ia transferoi aksionet e t në vitin 2005. Më pas ajo u bë gruaja më e pasur në Azi, megjithëse tani ka një probabilitet të madh që ajo të humbasë “titullin” pasi Fan Hongwei, manjat në industrinë e fibrave kimike, i afrohet rrezikshëm me një pasuri prej 11.2 miliardë dollarësh./The Guardian
