PS vulos ndryshimet në qeveri, PD kërkon debat

Në orën 17:00 të pasdites së sotme ka nisur seanca e jashtëzakonshme parlamentare për votimin e tre dekreteve, shkarkimin e zv/ kryeministrit Arben Ahmetaj dhe votimin e dy emrave të rinj; Belinda Balluku që do të jetë numri dy i qeverisë dhe Majlinda Dhukës, bashkëpunëtore e vjetër e Edi Ramës nga koha kur drejtoi bashkinë e Tiranës, tani në rolin e ministres së Shtetit, por edhe kryenegociatores në vendin e Zef Mazit. Opozita ka kërkuar debat në parlament për lëvizjet në qeveri, por Lindita Nikolla e ka rrëzuar kërkesën e tyre për ta përfshirë në rendin e ditës.