Kryeministri Edi Rama në një konferencë të përbashkët me homologun e tij spanjoll Pedro Sánchez, ka folur në lidhje me agresionin serb i ndodhur një natë më parë në veri të Kosovës.
Rama i ka bërë thirrje Vuçiçit që të mos i nxis më tej grupet për trazira.
“Kemi folur për Kosovën, dihet që Spanja ka një pozicion të ndryshëm dhe tradicionalisht që lidhen me Spanjën për sa i përket njohjes së Kosovës. Që nuk ka të bëjë me diskriminimin. Ne e kemi diskutuar dhe për atë që ndodhi mbrëmë. Qeveria e Kosovës ka të drejtë të zbatojë marrëveshjet që burojnë në pavarësinë e vendit.
I bëj thirrje dhe presidentit Vuçiç , të mos ushqejnë grupe me alibi, që për arsyet e tyre i kundërvihen zbatimit të një marrëveshjeje dy palëshe,” ka thënë Rama.
