Polica e Fierit ka arrestuar tre persona për dhunë. Një 73-vjeçar dhe një 53-vjeçare vëlla e motër dyshohet se në bashkëpunim kanë ushtruar dhunë ndaj një qytetareje. Ndërsa një 46- vjeçar është arrestuar pasi ka ushtruar dhunë ndaj bashkëshortes në sy të fëmijës së mitur.
FIER
Dhuna në familje godet sërish në Fier, ku janë raportuar dy raste gjatë 24 orëve të fundit.
Nga Specialistët për Hetimin e Krimeve në Komisariatin e Policisë Fier u arrestuan në flagrancë për veprën penale “Dhunë në familje” shtetasit S. P., 73 vjeç dhe R. B., 58 vjeçe, banuese në Fier (vëlla e motër), pasi dyshohet se në bashkëpunim me njëri tjetrin kanë ushtruar dhunë fizike ndaj bashkëshortes së shtetasit S. P.
Po kështu në pranga ka përfunduar dhe shtetasi Sh. K., 46 vjeç, banues në Fier, pasi në prezencë të fëmijës së mitur ka ushtruar dhunë fizike ndaj bashkëshortes së tij.
Materialet i kaluan Prokurorisë, për veprime të mëtejshme procedurale.
