Familjet e copëtuara nga sulmet terroriste vdekjeprurëse të 11 shtatorit festuan vrasjen e Ayman al-Zawahiri, një nga udhëheqësit kryesorë të al-Kaidës pas sulmeve të vitit 2001, por ata vazhduan të kërkonin llogari për rolin e supozuar të qeverisë së Arabisë Saudite.
Të mbijetuarit e atyre që u vranë nga sulmet e 11 shtatorit publikuan një deklaratë për vrasjen e Zawahirit, duke shprehur mirënjohje për vdekjen e liderit të al-Kaidës, por duke shprehur dëshirën për të parë Arabinë Saudite të mbahet përgjegjëse për rolin e saj të dyshuar në komplotin terrorist. Pesëmbëdhjetë nga 19 rrëmbyesit e 11 shtatorit ishin shtetas sauditë.
“Ky lajm është gjithashtu një kujtesë se për të arritur përgjegjësinë e plotë për vrasjet e mijërave më 11 shtator 2001, Presidenti Biden duhet të mbajë përgjegjës edhe zyrtarët sauditë për vrasjen e të dashurve tanë”, tha kryetari kombëtar i ‘9/11 Families United’ Terry Strada në një deklaratë.
Duke iu referuar një udhëtimi të diskutueshëm që Biden bëri në Arabinë Saudite muajin e kaluar, ku ai takoi Princin e Kurorës së vendit, Mohammed bin Salman, Strada shtoi se financuesit nuk janë në shënjestër të dronëve.
Organizata shkroi se ata kanë kërkuar vazhdimisht takime me presidentin për ndëshkimin e qeverisë së Arabisë Saudite për 11 shtator, por Biden ka refuzuar të takohet.
Ndërkohë, politikanët demokratë shpallën vdekjen e Zawahirit si një arritje të madhe për Joe Biden. Presidenti njoftoi vrasjen e Zawahirit të hënën gjatë një fjalimi të drejtpërdrejtë televiziv nga Shtëpia e Bardhë.
“Drejtësia u dha dhe ky lider terrorist nuk është më. Njerëzit në mbarë botën nuk kanë më nevojë të kenë frikë nga vrasësi i egër dhe i vendosur.“-tha Biden.
Vdekja e Zawahirit erdhi pasi familja e tij ishte zhvendosur në një shtëpi të sigurt në qendër të qytetit Kabul, kryeqyteti i Afganistanit, sipas zyrtarëve të Shtëpisë së Bardhë. Në muajt para vdekjes së tij, 71-vjeçari ishte parë disa herë në një ballkon, duke bërë video propagandistike të Al-Kaidës. Zawahiri sapo kishte dalë në ballkon të dielën në mëngjes kur u shpalos sulmi me dron që e vrau atë./ The Guardian
