Një ngjarje e rëndë ka tronditur sot (9 gusht) Shkodrën, ku një fëmijë 10 vjeç është vrarë me çifte aksidentalisht nga xhaxhai i tij.
Ngjarja e rëndë ndodhi në fshatin Samrisht dhe nga të dhënat paraprake të policisë dyshohet se 68-vjeçari ishte duke pastruar armën e gjahut.
Ndërkohë nga të shtënat ka mbetur i plagosur edhe vetë xhaxhai, i cili ndodhet jashtë rrezikut për jetën.
“Më datë 09.08.2022, rreth orës 21:55, në fshatin Samrisht, Shkodër, nga të dhënat paraprake dyshohet se aksidentalisht duke pastruar çiften, shtetasi Vlash Jakaj, 68 vjec, ka vrarë me armën e gjahut nipin e tij B.J, rreth 10 vjeç.
Nga e shtëna aksidentale është plagosur në dorë dhe vetë shtetasi V.J. jashtë rrezikut për jetën.
Në vendngjarje po shkon grupi hetimor, nën drejtimin e Prokurorisë, për kryerjen e veprimeve dhe zbardhjen e plotë të rrethanave të ngjarjes”, thuhet në njoftimin e policisë.
