Pronarët e mjeteve ujore, kanë dalë në protestë për ndalimin e mjeteve ujore. Ata kërkojnë arsyet e ndalimit, pasi sipas tyre disponojnë gjithë dokumentacionet dhe zbatojnë ligjin.
Bllokimi dhe kontrolli i mjeteve ujore, vjen pak ditë pas tragjedisë së rëndë të ndodhur në Himarë, ku një vogëlushe vetëm 7 vjeçe u përplas për vdekje nga skafi që drejtohej nga komisari Arjan Tase.
“Ne disponojmë gjithë dokumentacionin, prandaj nuk e kuptojmë arsyen pse nja kanë ndaluar. Ne ndjekim gjithë udhëzimet. Aksidentet kanë ndodhur nga mjete private. Motorët tanë nuk janë një rrezik”, tha njëri nga qytetarët.
“Nga bizneset tona nuk ka pasur asnjë incident”, tha një tjetër qytetar.
