Klodian Keqi, autor i vrasjes së 55-vjeçarit, Luan Hushi, ngjarje e ndodhur dy ditë më parë në Fushë-Krujë është arrestuar nga policia.
Ai është arrestuar në tentativë për të kaluar kufirin me Greqinë.
Pas arrestimit ai pritet të dërgohet në paraburgimin e Durrësit, ku atje do dalë përpara gjykatës për tu njohur edhe me akuzën e ngritur nga prokuroria. Ngjarja e rëndë ndodhi mëngjesin e 10 gushtit, ndërsa shkak i vrasjes dyshohet se u bë një konflikt banal për prerjen e druve në pyll.
Por kjo nuk është hera e parë që Klodian Keqi përfundon në burg. 12 vite më parë, ai u përfshi në një përplasje të armatosur mes dy fisesh në Fushë Krujë.
Ai dhe vëllai i tij, Jetmiri, u përplasën me fisin Daci. Konflikti mes tyre përfundoi me një ‘luftë të vërtetë’. Mësohet se shkak i përplasjes u bë një konflikt pronësie. Jetmir Keqi dhe Mustafa Daci përfunduan të plagosur.