Një ngjarje tragjike ka ndodhur këtë të premte në Malin e Zi. Mësohet se një person ka qëlluar me armë zjarri në drejtim të policisë dhe qytetarëve, duke lënë 10 të vrarë para se të ekzekutohej nga policia.
Një pjesë e qytetit Cetinje në Mal të Zi është bllokuar, e është shtuar prezenca policore dhe një numër i madh i qytetarëve janë mbledhur rrugëve për të mësuar për fatin e më të dashurve të tyre.
Nga dëshmitarët e rastit, thuhet se sulmuesi kishte shëtitur tërë lagjen dhe më pas kishte filluar të shtie mbi qytetarët që hasnin në të.
Mësohet se në mesin e gjashtë plagosurve është edhe një zyrtar policor, ndërsa mediat e Malit të Zi raportojnë se kishte ndodhur një konflikt që besohet se i kishte paraprirë këtij sulmi.
