Është rënduar edhe më tej bilanci i masakrës së ndodhur pasditen e së premtes në Cetinje të Malit të Zi, ku një person ekzekutoi 11 qytetarë të pafajshëm pas një konflikti që pati me familjarët e tij.
Prokurorja e çështjes, Andrijana Nastiç, njoftoi për mediat malazeze se janë gjetur nëntë persona të vdekur në vendin ku ka ndodhur sulmi, ndërsa nga Qendra Klinike është njoftuar më pas se kanë ndërruar jetë dhe dy persona të tjerë për shkak të plagëve të marra. Prokurorja tha se në mesin e viktimave janë 2 fëmijë.
Autori 34-vjeçar u vra nga një bashkëqytetar, ndryshe nga siç ishte raportuar më parë se ishte ekzekutuar nga policia.
