Nja aksident tragjik ka ndodhur pak pas mesnatës në Itali. Katër të rinj, të moshës nga 18 dhe 19 vjeç, mes të cilëve edhe një shqiptar, kanë ndërruar jetë.
Makina më të cilën po udhëtonin të rinjtë nga Cordignano me Godega, ka dalë nga rruga në një kthesë dhe më pas është përplasur me një pemë. Kanë qenë banorët ata që kanë njoftuar policinë dhe ambulancën, pasi kanë dëgjuar zhurmën e përplasjes.
Pas mbërritjes së ekipit mjekësor dhe forcave zjarrfikëse që kanë bërë të mundur nxjerrjen e trupave, të katërt janë konstatuar të vdekur.
