Detaje të reja kanë dalë në dritë nga ngjarja e rëndë e ndodhur në Arta të Greqisë ku një 75-vjeçar u qëllua për vdekje nga ish dhëndri i tij.
Sipas mediave greke 29-vjeçari dhe vajza e viktimës ishin darë me marrëveshje para dy vitësh, ndërsa fëmijët sipas vendimit të Gjykatës i mbante nënë.
Ai i takonte fëmijët e vegjël çdo të martë e të enjte, me kusht që të mos ishte i pranishëm ish-vjehrri në momentin e dorëzimit të fëmijës. Ditën e vrasjes, 29-vjeçari ka shkuar në shtëpinë e ish-bashkëshortes së tij pa e njoftuar për kohën, për pasojë ka pasur një sherr mes tyre.
29-vjeçari kërkoi të shihte fëmijën dhe ish-gruaja e pyeti: “Pse nuk e njoftove për orën që do të vish?”.
Autori ka reaguar ashpër ndaj pyetjes dhe aty kanë nisur të debatojnë. Më pas u shfaq ish-vjehrri i tij dhe pasoi me vdekjen e këtij të fundit, pasi fillimisht 29-vjeçari kishte shkuar dhe kishte marrë armën nga makina./thepressroom
