Kreu i Partisë së Lirisë, Ilir Meta së bashku me deputetin Petrit Vasili kanë denoncuar çmimin e naftës në vend.
Ai është shprehur se çdo gjë është e qartë, në bursë nafta ka rënë si para luftës, ndërsa në Shqipëri nuk ka ndryshuar. Sipas tij bordi po punon në funksion të oligarkut Rama dhe shokëve të tij. Meta është shprehur se së bashku me opozitën kanë kërkuar heqje të taksës së qarkullimit dhe të karbonit.
“Grumbullohet 200 milionë euro nga taksa e karbonit, por vetëm 20 milionë euro shkojnë për mirëmbajte. Ku shkojnë 180 milionë? Këto përdoren nga PPP dhe kostot e fryra. Nëse do të shkonin për mirëmbajte nuk do të ishim në situatën ku autostradat i kemi me gropa dhe rrugët që vetëm sa rëndojnë trafikun,” është shprehur Meta.
