Autori i vrasjes dy net më parë në Elbasan është ende në kërkim. Madrit Ulqinaku, baba i një vajze 8-vjeçare u qëllua me një plumb në kokë pas një sherri pranë zonës së stadiumit.
Krimi thelloi edhe më shumë tragjedinë e familjes Ulqinaku pasi në 1997, Madritit i kishin ekzekutuar një vëlla.
Për ngjarjen u arrestua Ejden Dino, ndërsa në kërkim janë dy shokët e tij Klaudjan Sallufi dhe Horgito Peqini 18 vjeç, i cili akuzohet se është autori i krimit që qëlloi me pistoletë 33-vjeçarin.
Horgito Peqini mësohet se është nipi i Eduard Peqinit, personazhit të njohur si “Mandela i Elbasanit”, kreu i një prej bandave të Elbasanit në vitin 1997.
