Disa detaje të reja janë zbardhur nga kamerat e sigurisë në autostradën Vlorë-Fier, për atentatin e kryer ndaj Shpati Lenës dhe Hakim Xhezos.
Policia ka zbuluar se në atentat kanë qenë më shumë se 3 persona, pasi një tjetër makinë me dy persona të tjerë po i ndiqte që në nisje të tyre. Po ashtu prej ditës, Lena nuk kishte dalë nga banesa dhe ai ruhej si dhe përdorte makinë të blinduar.
Hetuesit kanë hedhur dyshime se një person i afërm i viktimave u ka dhënë siguri, që mos të dalin të mbrojtur, duke i nxjerr kështu në pritë.
Destinacioni i viktimave po ashtu ka mbetur enigmë, edhe pse mendohet se ishin nisur për në burgun e Lushnjës për të takuar Endrit Xhezon, vëllain e Hakimit.
