Ish-ministri i Drejtësisë i Meksikës, Jesus Murillo është arrestuar. CNN raporton se ai akuzohet për zhdukje, torturë dhe pengim të drejtësisë për zbardhjen e rastit të zhdukjes së 43 studentëve në vitin 2014.
Një deklaratë e lëshuar nga Departamenti i Drejtësisë tha se policia federale kishte ekzekutuar një urdhër arresti të lëshuar nga një gjyqtar në kryeqytetin meksikan kundër Jesus M. por një burim gjyqësor konfirmoi për Reuters se ishte Mourinho. Policia e arrestoi atë jashtë shtëpisë së tij në kryeqytetin meksikan.
Jesus Murillo shërbeu si Ministër i Drejtësisë i Meksikës nga 2012 deri në 2015 gjatë presidencës së Enrique Peña Nieto. Gjatë asaj kohe ai mbikëqyri hetimin për zhdukjen e 43 nxënësve nga shkolla e trajnimit të mësuesve Ayotchinapa në shtetin jugperëndimor të Guerrero.
Ekspertët e huaj kritikuan hetimin, duke përmendur një sërë gabimesh dhe abuzimesh. Kur Presidenti Manuel López Obrador mori detyrën në vitin 2018, ai u zotua të hedhë dritë mbi rastin.
I pyetur për nismën e qeverisë për të vlerësuar hetimin e mëparshëm, Murillo kishte thënë se ishte i gatshëm të dëshmonte.
Arrestimi i tij erdhi një ditë pasi zëvendësministri i Brendshëm Alejandro Ensinas e quajti rastin një “krim shtetëror” duke pretenduar se zyrtarë qeveritarë ishin të përfshirë në këtë krim.
