Mësohen detaje të reja mbi ngjarjen e rëndë dhe të paprecedentë të ndodhur në uzinën e armëve në Gramsh.
Të paktën dy shtetas rusë, sipas edhe dëshmitarëve, prej dy ditësh kanë vëzhguar zonën rreth uzinës së armëve. Ndërkohë, këtë të shtunë, ata janë pikasur nga ushtarët, të cilët kanë shkuar për t’i ndaluar, por janë sulmuar.
Mësohet se në drejtim të ushtarëve shqiptarë është hedhur lëndë djegëse, e cila ka lënë të lënduar dy prej tyre, të cilët po marrin ndihmën mjekësore në spitalin e traumës me djegie në fytyrë e trup.
Bëhet e ditur se një prej agresorëve është neutralizuar, ndërsa tjetri ka arritur të arratiset. Sipas dëshmitarëve, rusët mbanin harta dhe aparate fotografike.
