Policia e Kosovës ka bërë të ditur se është arrestuar një person me inicialet G.H., 38-vjeçar, pasi i njëjti ishte duke e sulmuar një të miturin 14-vjeç.
Sipas njoftimit, policia ka arritur në vendngjarje derisa ishte në proces ku falë reagimit është shmangur rreziku i drejtpërdrejt pasi 38-vjeçari e kishte të drejtuar armën drejt 14-vjeçarit.
Njoftim
I dyshuari është shoqëruar në stacionin e policisë në Ferizaj dhe pas intervistimit nga policët hetues, me vendim të Prokurorit nga Prokuroria Themelore në Ferizaj, i njëjti është dërguar në mbajtje për 48 orë për procedura të mëtejme hetimore.
Ndërsa rasti është cilësuar ‘’ Mbajtje në pronësi , kontroll, ose posedim i paautorizuar i armës dhe kanosje’’”, thuhet në komunikatën e policisë, transmeton Klankosova.tv.
Tutje, bëhet e ditur se nga i dyshuari është konfiskuar një pistoletë, një karikator me katër fishekë dhe një mjet i mprehtë.
