Një sherr mes të rinjve ka ndodhur mbrëmjen e sotme në Vlorë.
Një 19-vjeçar ka përfunduar në Spitalin e Vlorës, me plagë të marra nga një thikë.
Paraprakisht raportohet se i riu, i identifikuar si Elton Kondaj, banues në Vlorë, është përfshirë në një konflikt.
Njoftimi i policisë
Më datë 23.08.2022, rreth orës 19:40, në bulevardin “Ismail Qemali”, Vlorë, dyshohet se pas një konflikti të çastit, është dëmtuar me mjet prerës thikë, shtetasi E. K, 19 vjeç, i cili është dërguar në spital dhe ndodhet nën kujdesin e mjekëve.
Grupi hetimor ndodhet në vendngjarje dhe po punon për identifikim dhe kapjen e autorit si dhe për zbardhjen e plotë të rrethanave të ngjarjes.
