Gjykata e Elbasanit la sot në burg pa afat dy rusët dhe ukrainasin e arrestuar për spiunazh.
E pranishme në gjykatë për të ndjekur procesin ishte edhe konsullja e Ukrainës Svjetllana Bogndanova.
Ajo ishte në mbrojtje të 25-vjeçarit ukrainas, Fjodor Mihajlov. Për dy rusët
Svetlana Timofoeva dhe Mikhail Zori nuk kishte asnjë përfaqësues.
“Detyra ime është që të mbrojë të drejtat e bashkëkombëseve të mi.
Për mua dhe Ukrainën ai person është i pafajshëm! Ai ishte thjesht shoferi” tha ajo.
Svetlana Timofoeva, Mikhail Zorin dhe 25-vjeçari ukrainas Fjodor Mihajlov u arrestuan pasditen e së shtunës.
Ata u pikasën pranë ambienteve të uzinës ushtarake në orën 17.30.
Njëri nga të huajt u përlesh me ushtarët, të cilët ruajnë objektin, duke lënduar dy prej tyre.
