Agjenti Jeton Lami u arrestua për ndihmë dhe transportim të Ervis Martinajt për t’u arratisur. Rasti tregoi edhe arsyen e dekonspirimit të shumë operacioneve.
Por Lami nuk dyshohet se veproi i vetëm. Ai dyshohet se ka pasur bashkëpunëtorë të tjerë në Kurbin dhe Fushë Krujë.
Rrjeti ishte ngritur me kujdes nga Martinaj që arriti të infiltrohet brenda policisë duke treguar dobësinë e hallkave.
Lami dyshohet se e ka transportuar Martinajn në disa qytete, kryesisht në veri të vendit për t’u fshehur.
Rezulton se gjatë kohës që ishte në mbrojtjen e agjentit, Martinaj vazhdonte aktivitetet e tij kriminale.
Nuredin Dumani deklaroi se Martinaj e kishte paguar për të vrarë Indrit Doklen. 500 mijë euro do paguante Ervis Martinaj për këtë vrasje.
100 000 Euro i mori paradhënies por krimin nuk e kreu. Indrit Dokle ka qenë numri dy i Bandës së Durrësit.
Po ku ndodhet Martinaj? Prej 10 gushtit ai u denoncua i zhdukur nga xhaxhai dhe ende nuk ka asnjë gjurmë.
Dëshmia e policit të arrestuar, që tani ndodhet në komisariatin e Kurbinit pritet që të hedhë më shumë dritë.
