Ish-presidenti Ilir Meta është pozicionuar në krah të banorëve të disa lagjeve në Tiranë që protestuan pasditen e djeshme para bashkisë.
Banorët preken nga projekti i unazës. Kreu i Partisë së Lirisë solidarizohet me luftën e tyre për mbrojtjen e pronës, të shtëpive dhe të familjeve të tyre.
“Partia e Lirisë mbështet plotësisht kauzën e drejtë të qytetarëve për të mbrojtur shtëpitë e tyre nga projektet e mafies së inceneratorëve.
Pa asnjë trasparencë dhe komunikim me qytetarët, Qeveria duke vepruar si banditët, ka rrëmbyer pronat dhe banesat e tyre.
Ne solidarizohemi plotësisht me luftën e tyre për mbrojtjen e pronës, të shtëpive dhe të familjeve të tyre.
Pronat e qytetarëve po vidhen në dhunim të ligjit për t’i hapur rrugë ndërtimit të pallateve ku pastrohen parat e krimit të organizuar
Partia e Lirisë ka qenë, është dhe do të jetë gjithmonë në krah të qytetarëve. Të bashkuar do t’i largojmë pushtuesit e sektit rilindas nga zyrat e shtetit shqiptar” shkruan Meta.
