Ngjarja e rëndë ku një 17-vjeçare i dha fund jetës duke pirë fotoksinë, pasi i fejuari i saj i vodhi para të motrës, ka shkaktuar një tragjedi.
Ngjarja ndodhi në Tiranë, ku 17-vjeçarja Samanta Vita u vetëvra, pasi i fejuari i saj Kristian Fusha vodhi rreth 2 milionë lekë të vjetra nga kasaforta në shtëpinë e motrës së saj.
Të afërm dhe familjarë të 27-vjeçarit kanë hedhur poshtë versionin se 17-vjeçarja i ka dhënë fund jetës pasi djali i tyre akuzohet se i vodhi kasafortën kunatës, ndërsa kanë publikuar disa biseda të fundit të viktimës.
Në disa mesazhe thuhet se vajza dhunohej nga të dy prindërit dhe se ata nuk e lejonin të udhëtonte jashtë shtetit me Kristianin.
Familjarët e Kristianit pohuan se i riu kishte marrë përsipër një faj që nuk e ka kryer pasi ato para do i përdorte për të nisur një jetë të re me të fejuarën e tij.
