Nënkryetari i Partisë së Lirisë, Agim Nesho ka reaguar në lidhje me hetimet e SPAK për Ilir Metën.
Nesho e ka konsideruar një sulm të hapur për shkak se sipas tij Meta po bën opozitë të vërtet dhe kjo po tremb qeverinë. Reagimi ka ardhur pasi vet ambasadorja e SHBA-ve, Yuri Kim i doli në mbrojtje SPAK-ut për vazhdimin e hetimeve.
Ai ka shtuar se drejtësia e komanduar politikisht, i shërben pushtetit autokrat duke goditur opozitën. Sipas tij kjo duket qartë pasi dhe Sali Berishës nuk po i njihet partia.
“Një drejtësi që mbyll sytë ndaj grabitësve të popullit dhe pronës publike në aferën e inceneratorëve 430 milionë euro, të Portit të Durrësit. Abuzimet në infrastrukturë, në PPP, por është e gatshme të mbajë hapur procese për mos njohjen e Partisë Demokratike me mbi 700 mijë simpatizantë. Një drejtësi e vdekur përpara se të rilindte, e shtrirë në këmbët e autokratit,” ka shkruar ai.
