Kryeministri Edi Rama nuk pranoi sot që të komentonte hetimet e SPAK-ut kundër ish-Presidentit Ilir Meta, që tha se akuzat janë “gatuar” në zyrën e tij.
Gjatë konferencës me kryeministrin e Luksemburgut, Rama tha se nuk flet në prani të miqve për politikën e brendshme.
“Unë nuk flas kurrë në prezencë të miqve që na nderojnë nga jashtë dhe në prezencë të përkthyesve për çështje të politikës së brendshme.
Politika e brendshme nuk është një fushë që na takon ne si mikpritës të përfshijmë miq që jemi këtu për t’i nderuar.
Nuk flitet në gjuhë të huaj për kundërshtarë politikë dhe akuza politike. Më vjen keq, por nuk do u jap asnjë përgjigje” tha ai.
