Ukraina ka ftuar Nuncin Apostolik në Ukrainë, Kryepeshkopin Visvaldas Kulbokas, në vend për të adresuar komentet e fundit të Papa Françeskut.
Papa është shprehur për komentatoren e ndjerë politike ruse Darya Dugina, në të cilën ai e quajti atë si një nga “të pafajshmit” që paguajnë për luftën.
Ministrja e Punëve të Jashtme të Ukrainës u shpreh e zhgënjyer për deklaratën e Papës duke thënë se ajo barazon “padrejtësisht” “agresorin dhe viktimën”.
Papa Françesku tha të mërkurën Dugina, e cila u vra në një makinë bombë në Moskë më 20 gusht, është ndër “të pafajshmit” e vrarë nga lufta.
“Unë mendoj për vajzën e varfër që u hodh në ajër nga një bombë nën sediljen e një makine në Moskë. Të pafajshmit paguajnë për luftën,” tha Papa.
