“Mikelanxheloja i Shkodrës”, Pjerin Sheldiaj ka ndërruar ditë ditën e sotme. Ai la pas një pasuri tejet të madhe për artin shqiptar dhe jo vetëm.
Sheldiaj është autori i 200 afreskeve në 35 kisha në Shqipëri, Kosovë, Mal të Zi, Itali dhe në Angli.
Peneli i mjeshtrit të ngjyrave ka lënë gjurmë në thuajse çdo kishë të Shkodrës, fshatrave dhe maleve përreth. Me një vullnet të çeliktë dhe punë shembullore, Sheldija është kthyer në Mikelanxhelon e kishave shqiptare.
Ai do të kujtohet gjatë jo vetëm nga qytetarët e Shkodrës por edhe nga vizitorët e qytetit, pasi kisha e Zojës, në hyrje të Shkodrës, u pikturua nga Sheldiaj.
Ikonat e tij janë të ruajtura dhe në në Vatikan. Po ashtu Papa Benedikti i 16 e ka nderuar Sheldinë, “ Distinktivin e Kryqit të Shenjtë për Kishën dhe për Papën”.
