Moderatorja e dashur Dojna Mema ka pak ditë që është bërë nënë, por “këshillat” dhe kritikat për mirërritjen e djalit të saj nuk kanë munguar. Duke qenë se ajo ka ndarë disa momente nga jeta tashmë me vogëlushin, ndjekëset në rrjete sociale janë treguar të vëmendshme ndaj çdo detaji dhe nuk i kanë kursyer komentet.
Nga videoja e postuar në krevatin e vogëlushit, është vënë re që aty ndodhet një jastëk. Mirëpo, teori të ndryshme nga ekspertë të mjekësisë dhe sigurisë së bebes, thonë se prania e një jastëku, mund të vërë bebin në rrezik.
Lidhur me këtë temë, Dojna Mema ka marrë shumë këshilla, por edhe kritika se nuk po e mbron djalin siç duhet nga ky rrezik. E gjendur përballë kaq shumë kundërshtimesh, ajo ka publikuar një prej komenteve dhe ka dhënë një përgjigje për të gjithë ata që kanë diçka për të thënë për mënyrën se si ajo apo çdo nënë kujdeset për fëmijën e saj.
