Një shtetas nga Pakistani është arrestuar ditën e sotme në vebdein e quajtur “Ura e Lumit” në Gjirokastër. Ai ishte duke shoqëruar 6 emigrantë të tjerë drejt kufirit kundrejt fitimit.
Gjatë kontrollit policia i gjeti dhe sasi të konsiderueshme kanabis sativa.
Në kuadër të këtij operacioni u arrestua në flagrancë shtetasi J. A., banues në Pakistan.
Ky shtetas u kap nga shërbimet e Policisë, në vendin e quajtur “Ura e Lumit”, duke shoqëruar 6 emigrantë të paligjshëm nga vendet MENA, kundrejt fitimit.
Gjatë kontrollit fizik, shtetasit J. A. iu gjet një sasi lënde e dyshuar narkotike cannabis sativa. E cila u sekuestrua në cilësinë e provës materiale, së bashku me një aparat celular dhe mjete identifikimi.
Materialet në ngarkim të shtetasit J. A. i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme, për veprat penale “Dhënia ndihmë për kalim të paligjshëm të kufirit” dhe “Prodhimi dhe shitja e narkotikëve”.
