Tre ditë nga ekzekutimi i babë e bir në Lezhë ende nuk është arrestuar autori i krimit.
Besnik Pjetri, që vrau me armë zjarri ish-vjehrrin Pjetër dhe kunatin Gentjan Përnjakun ndodhet në arrati.
RENEA dhe FNSH rrethuan zonën e fshatit Grykë Zezë, por pa asnjë rezultat. 45-vjeçari arriti që të zhdukej në errësirë.
Ai dyshohet se mund të ketë kaluar në mënyrë ilegale jashtë territorit shqiptar. Pjetër dhe Gentian Përjaku u përcollën dje për në banesën e fundit.
Ata u vranë sapo erdhën nga Italia pas sherrit të nisur prej vitesh për divorcin.
Sherri për pasurinë pas ndarjes dhe takimi me tre vajzat që kishte nga martesa ishin dy arsyet kryesore të konflikteve.
Pretendimi i autorit të krimit ishte se ata nuk e lejonin të takonin vajzat e tij.
