Një sherr mes të rinjve ka ndodhur pasditen e kësaj të enjteje në Vaun e Dejës. Dy vëllezër janë konflikuar me një person të tretë fillimisht me fjalë. Më pas ata kanë nxjerr armët dhe kanë goditur të riun me tytën e njërës prej tyre në kokë.
Bëhet fjalë për armë tip pushkë. 28-vjeçari është dërguar me urgjencë drejt spitalit të Traumës për mjekim.
“Gjatë kontrollit të ushtruar në banesën e 2 vëllezërve u gjetën dhe u sekuestruan në cilësinë e provës materiale 2 armë gjahu (njëra prej tyre e përdorur gjatë konfliktit), të cilat i mbanin me leje.
Materialet iu referuan Prokurorisë pranë Gjykatës së Rrethit Gjyqësor Shkodër, për veprat “Plagosja e rëndë me dashje”, e kryer në bashkëpunim dhe “Mbajtja pa leje e armëve të gjuetisë dhe sportive”.” ka njoftuar policia.
