Një lokal është përfshirë nga flakët në orët e para të së premtes në zonën e “Jonufrës” në qytetin e Vlorës.
Bëhet fjalë për “Beach bar”-in Coco Bongo në pronësi të biznesmenit Olsi Veshajt.
Shkaqet e rënies së zjarrit janë të paqarta.
“Më datë 02.09.2022, në Jonufër, Vlorë, ka rënë zjarr dhe është djegur një objekt “Beach bar” me konstruksion druri, në pronësi të shtetasit O. V, banues në Vlorë, ku janë shkaktuar vetëm dëme materiale.
Grupi hetimor po punon për zbardhjen e rrethanave të ngjarjes dhe shkakut të rënies së zjarrit.’’- njoftimi i policisë”, njofton policia.
