Gjatë një konference për shtyp, kreu i PL-së, Ilir Meta ka reaguar në lidhje me mbajtjen e protestave së bashku me kreun e opozitës, Sali Berishën.
Ai nuk ka deklaruar një datë por është shprehur se koha do të jetë shumë shpejt.
“Nuk ka shtet të së drejtës. Kryeministri po vjedh qindra milionë euro, jo vetëm me inceneratorët por edhe me aferën e porti të Durrësit, dhe afera të tjera.
Tashmë është e qartë ajo që ndodhi sot, u bë e madhe, për shkak të reagimit mediatik. Ka vetëm një rrugë të rikthejmë sigurinë në këtë vend. Duhet të bashkohemi për ti dhënë fund këtij modeli skizofrenik.
Ne dimë shumë mirë se ai nuk u shqetësua se leja ka qenë me kusht apo se nuk u paguan taksat, pasi shteti i përgjegjës dialogon. Ai beson se gjuha e dhunës është e vetmia që mund ta mbaj dhe ca në pushtet. Koha kur ai trembte shqiptarët ka përfunduar.
Këto akte vetëm sa e rëndojnë gjykimin e tij,” është shprehur Meta.
