Presidenti i Ukrainës, Zelensky ka paralajmëruar se Rusia po përgatit një “goditje vendimtare” në ofensivën e saj energjetike kundër Evropës.
“Shpërndarja e gazit përmes Nord Stream 1 është ndalur plotësisht”, tha Zelensky në video-mesazhin e tij të përditshëm.
“Rusia dëshiron të shkatërrojë jetën normale të të gjithë evropianëve, në të gjitha vendet e kontinentit tonë, me qëllim dobësimin dhe frikësimin e shteteve evropiane”, argumentoi ai.
Ndërkohë, sipas Ministrisë së Mbrojtjes së Mbretërisë së Bashkuar, forcat ruse vazhdojnë të kenë probleme me pagat dhe bonuset ushtarake.
“Ushtria ruse ka dështuar vazhdimisht të sigurojë të drejtat themelore për trupat e dislokuara në Ukrainë, duke përfshirë uniformat adekuate, armët dhe racionet ushqimore, si dhe pagesën. Është pothuajse e sigurt se kjo ka kontribuar në uljen e moralit të brishtë të pjesës më të madhe të forcës,” shton Ministria e Mbrojtjes britanike.
