Sesioni i ri nisi sot për opozitën në Kuvend, por është ende e përçarë. Enkelejd Alibeaj, që është në krye të grupit vendosi piketat e punës.
Qëndrimi për Sali Berishën nuk ndryshoi. Ai ishte i vendosur kundër bashkëpunimit me ish-kryeministrin.
Deputeti demokrat tha se PD nuk duhet të futet në kurs përplasje me SHBA-në, Britaninë dhe BE-në.
“Ruajtja dhe forcimi i partneritetit strategjik me SHBA, Bashkimin Europian dhe Britaninë e Madhe, për Grupin Parlamentar të PD është prioritet në mbrojtje të interesit tonë kombëtar.
Vendosja në një kurs përplasje të Partisë Demokratike dhe grupit të saj parlamentar me SHBA, BE dhe Britaninë e Madhe.
Nuk do të ishte vetëm devijim nga misioni properëndimor i Partisë Demokratike që nga krijimi.
Por edhe një rrugë e sigurt për të çimentuar regjimin antidemokratik dhe anti-perëndimor të Edi Ramës” tha ai.