Një makinë është përfshirë nga flakët mëngjesin e kësaj të hëne.
Ngjarja ka ndodhur rreth orës 08:00 në autostraden “100 Vjetori”, në afërsi të fshatit Panaja.
Dyshohet se zjarri ka ardhur si pasojë e një defekti dhe ka vetëm dëme materiale.
Njoftimi i policisë
Rreth orës 08:20, në autostraden “100 Vjetori”, në afërsi të fshatit Panaja, ka marrë flakë, në ecje e sipër, automjeti me drejtues shtetasin Sh. S, ku janë shkaktuar vetëm dëme materiale. Paraprakisht dyshohet se zjarri ka rënë si pasojë e një defekti në mjet.
Grupi hetimor po punon për sqarimin e plotë të rrethanave të ngjarjes.
