Pasditen e sotme, Kuvendi i Shqipërisë nisi sesionin e ri parlamentar. Seanca u hap me mesazhin e Presidentit Bajram Begaj, që u lexua nga Lindita Nikolla.
Më pas kryetarja e Kuvendit kishte një mesazh për sesionin e ri për deputetët, shumicën dhe opozitën për objektivat. Ajo e vendosi theksin te bashkëpunimi mes palëve.
“Zhvillimi i negociatave është përgjegjësi e qeverisë, por duhet kontrolluar nga kuvendi. Detyrat kryesore do të jenë; përafrimi i legjislacionit. Do të na duhet të përafrojmë legjislacionin me BE-në.
Pas çeljes së negociatave numri i ligjeve do të rritet. Ne po analizojmë praktikat e disa vendeve të rajonit për procesin negociues” tha ajo.
Nikolla përmendi edhe nismat për spastrimin e politikës nga spiunët e ish-sigurimit. “Jemi përfshirë nga një debat për spastrimin e politikës nga bashkëpunëtorët e shtetit. Kjo ndjeshmëri është konkretizuar nga projekt-aktet ligjore” tha ajo.
