Kancelari Olaf Scholz dhe presidenti Macron i kanë bënë thirrje presidentit serb Vuçiq dhe kryeministrit kosovar Kurti “për të treguar gatishmëri dhe zgjidhje maksimale për të marrë vendime të vështira”.
Për kancelarin gjerman, Olaf Scholz dhe presidentin francez, Emmanuel Macron normalizimi i plotë i marrëdhënieve ndërmjet Kosovës dhe Serbisë është thelbësor për Ballkanin Perëndimor.
Liderët e dy shteteve më të fuqishme të Evropës kanë ngarkuar këshilltarët e tyre për politikë të jashtme dhe siguri, Jens Plettner dhe Emmanuel Beaune, për t’i ofruar “mbështetje të drejtpërdrejtë përfaqësuesit special të BE-së për dialog, Miroslav Lajçak”.
Scholz dhe Macron dërguan të dielën dy letra në Beograd dhe Prishtinë, me përmbajtje të ngjashme, përkatësisht presidentit të Serbisë, Aleksandër Vuçiq dhe kryeministrit të Kosovës Albin Kurti.
