Në muajt e ardhshëm, Ministria gjermane e Punës do t’i dalë me një propozim qeverisë federale për të prezantuar një mundësi të re imigrimi për të huajt e kualifikuar.
Ministria po punon për një propozim për krijimin e një “karte mundësie” e cila do të lëshohet sipas një sistemi të bazuar në pikë.
Kjo e fundit do të përfshijë katër kritere: aplikanti duhet të jetë 35 vjeç ose më i ri, të ketë diplomë, të ketë të paktën tre vjet përvojë pune dhe të ketë aftësi gjuhësore ose një qëndrim të mëparshëm në Gjermani.
Kushdo që plotëson të paktën tre nga këto katër kritere do t’i jepet një “kartë mundësie” ose “Green Card“ për të ardhur në Gjermani dhe për të kërkuar punë,
“Ne kemi nevojë për më shumë emigracion. Ne po prezantojmë një kartë mundësish me një sistem transparent pikësh, në mënyrë që njerëzit për të cilët ka nevojë vendi ynë të mund të vijnë tek ne më lehtë ”, tha Ministri i Punës, Hubertus Heil.
Pothuajse 13 milionë njerëz ekonomikisht aktivë do të arrijnë moshën ligjore të pensionit në 15 vitet e ardhshme.
Sipas një njoftimi për shtyp të zyrës gjermane të statistikave Statista, deri në vitin 2036, brenda 15 viteve të ardhshme, do të dalin në pension 12.9 milionë persona të lindur mes viteve 1957 dhe 1969, të cilët janë aktualisht pjesë e tregut të punës në Gjermani.
“ Kjo është pak më pak se 30 për qind e popullsisë ekonomikisht aktive të disponueshme për tregun e punës në vitin referues 2021 ,”- thuhet në njhoftimin për shtyp mdërsa theksohet se Gjermania do të humbasë pothuajse një të tretën e punëtorëve aktualë deri në vitin 2036.
Situata nuk do të ishte aq e rëndë nëse numri i atyre që hyjnë në tregun e punës do të ishte të paktën afër numrit të atyre që dalin.
Të dhënat e Statista tregojnë se grupmoshat më të mëdha përfshijnë njerëz më aktivë sesa të rinjtë.
Megjithatë, edhe nëse të gjithë njerëzit e moshës 15 deri në 24 vjeç në Gjermani do të hynin në tregun e punës pas përfundimit të arsimit/trajnimit, numri do të ishte ende shumë i ulët krahasuar me numrin e atyre që dalin në pension.
Mungesa e punëtorëve të kualifikuar në Gjermani arrin një nivel të lartë të të gjitha kohërave
Një sondazh i kryer çdo vit nga “Ifo Business” që nga viti 2009 zbuloi në fillim të gushtit të këtij viti se mungesa e punëtorëve të kualifikuar është rritur në një nivel të ri në Gjermani, duke prekur pothuajse gjysmën e kompanive të vendit.
Ndërsa në prill 2022, 43.6 për qind e kompanive prekeshin nga vendet e lira të punës të cilat nuk arritën t’i plotësonin, në gusht norma u rrit në një nivel rekord prej 49.7 për qind.
Sipas Stefan Sauer, një ekspert i tregut të punës në Institutin ifo, për shkak të mungesës së stafit, më shumë kompani në Gjermani do të detyrohen të rikthehen në biznes.
” Në periudhën afatmesme dhe afatgjatë, ky problem ka të ngjarë të bëhet më i rëndë,” thotë ai.
Bazuar në të dhënat e mbledhura nga ifo Business, industritë më të goditura janë si më poshtë:
Industritë e akomodimit dhe ngjarjeve
Prodhuesit e pajisjeve të përpunimit të të dhënave dhe të produkteve metalike
Lindjet mbeten të ulëta, por qytetarët gjermanë jetojnë më gjatë
Të dhënat e publikuara nga agjencia statistikore e Bashkimit Evropian Eurostat tregojnë se deri në vitin 2060 popullsia e Gjermanisë do të ulet me 14 për qind. Në të njëjtën kohë, mosha mesatare e vendit po rritet çdo vit, ku mosha mesatare e shtetasve gjermanë është 44.6 vjeç në 2020, duke shënuar një rritje prej 0.01 krahasuar me një vit më parë.
Steffen Kröhnert, një shkencëtar social në Institutin për Popullsinë dhe Zhvillimin e Berlinit, gjithashtu thekson se që nga viti 1972, vdekjet kanë tejkaluar numrin e lindjeve në Gjermani, duke zgjeruar vazhdimisht hendekun midis lindjeve dhe vdekjeve.
Me popullsinë, si në tkurrje dhe në plakje në të njëjtën kohë, nevoja për të sjellë më shumë punëtorë të huaj nga jashtë Gjermanisë po bëhet më e fortë nga viti në vit.
