Këshilli i Ambasadorëve Shqiptarë ka reaguar pas ndërprerjes së marrëdhënieve mes Shqipërisë dhe Iranit.
KASH i ka bërë thirrje qeverisë që të forcojë kapacietinë mbrojtës për strukturën digjitale.
“Përmes këtij sulmi, RIS ka minuar çdo akt dhe parim të së drejtës ndërkombëtare që rregullon raportet mes 2 vendeve që kanë vendosur marrëdhënie diplomatike me njëra tjetrën. Aq më tepër, që sulmi ndaj një vendi anëtar të NATO, përbën kërcënim serioz ndaj të gjithë aleancës,” ka njoftuar këshilli.
Nga ana tjetër, KASH i bën thirrje qeverisë shqiptare që të marrë masa urgjente për rritjen dhe forcimin e kapaciteteve mbrojtëse të infrastrukturës digjitale.
Gjithashtu, Presidenti i Republikës dhe Kuvendi i Shqipërisë të sigurojnë mbikqyrje të plotë të masave të marra nga AKSHI, përpara dhe pas këtij sulmi kibernetik, për mbrojtjen e insfrastrukturës strategjike digjitale të vendit,” thuhet në njoftim.
