Policia ka dhënë detaje për ngjarjen e rëndë të ndodhur pasditen e së mërkurës në fshatin Gështenjas në Pogradec.
Policia bën të ditur se ngjarja ka ndodhur rreth orës 17:50. Pas një konflikti, Fatos Menallari dyshohet të ketë qëlluar me thikë Fatos Menallarin, i cili ka ndërruar jetë.
“Më datë 07.09.2022, rreth orës 17:50, në fshatin Gështenjas, Pogradec, gjatë një konflikti, shtetasi F. M., 63 vjeç, dyshohet se ka plagosur me mjet prerës (thikë) shtetasin S. H., rreth 65 vjeç, i cili u transportua në Spitalin e Pogradecit, ku si pasojë e plagëve të marra ka ndërruar jetë.
Nga ana e Policisë, po bëhet krehja e zonës me qëllim kapjen e autorit dhe vënien e tij para përgjegjësisë ligjore”, njofton policia.
